Հայաստանի շախմատի պատանեկան հավաքականը` բրոնզե մեդալակիր

Սլովակիայում ավարտվեց աշխարհի մինչև 16 տարեկանների շախմատի Օլիմպիադան: Մրցաշարի վերջին տուրում Հայաստանի հավաքականը 4-0 հաշվով հաղթանակ տոնեց Սերբիայի հավաքականի նկատմամբ և գրավեց երրորդ հորիզոնականը: Այս մասին տեղեկացնում է chessfed.am-ը:

Հայաստանի թիմի կազմում հանդես էին գալիս Հայկ Մարտիրոսյանը, Արամ Հակոբյանը, Շանթ Սարգսյանը, Դավիթ Միրզոյանը և Արփինե Գրիգորյանը: Հայաստանի պատանեկան հավաքականի մարզիչն է կրկնակի Օլիմպիական չեմպիոն Արտաշես Մինասյանը:

Մրցաշարի հաղթող դարձավ Իրանի հավաքականը, իսկ Ռուսաստանը նվաճեց արծաթե մեդալ: