Սերգեյ Մովսիսյանը՝ Պարդուբիցեի բաց մրցաշարի հաղթող

Չեխիայում ավարտվեց ավանդական Պարդուբիցեի բաց մրցաշարը, որին այս տարի մասնակցում էին 39 երկրի 291 շախմատիստ: Մասնակիցների թվում էին 45 գրոսմայստեր, 65 միջազգային և 62 ՖԻԴԵ-ի վարպետ: Մրցաշարին մասնակցում էր նաև Սերգեյ Մովսիսյանը, ով մրցաշարն անցավ առանց պարտության և, 9-ը հնարավորից վաստակելով 7,5 միավոր, դարձավ մրցաշարի հաղթող: Մովսիսյանը նաև 11 կետով բարձրացրեց իր անհատական վարկանիշը: Այս մասին հայտնում է chessfed.am-ը: