Լոնդոնում 19-ամյա երիտասարդը դանակով հարձակվել է անցորդների վրա

19-ամյա երիտասարդը Լոնդոնի կենտրոնում դանակով հարձակվել է մարդկանց վրա: Մեկ կին մահացել է, առնվազն հինգ  մարդ վնասվածքներ է ստացել: Այս մասին գրում է Ռիա նովոստին:

Միջադեպը տեղի է ունեցել Lոնդոնի ժամանակով 22:30-ին Ռասսել-սքվերում: Տուժածներին տեղափոխել են հիվանդանոց: Հարձակվողը ձերբակալվել է, տեղափոխվել քննչական մեկուսարանի հիվանդանոց:

«Նախնական տվյալներով, միջադեպի պատճառներից մեկը կարող է լինել երիտասարդի հոգեկան խանգարվածությունը, և դա հետաքննության հիմնական գիծն է»,- նշել է ոստիկանության ներկայացուցիչը:

Միաժամանակ իրավապահները չեն բացառում, որ կատարվածը կարող է ահաբեկչություն լինել: Լոնդոնի կենտրոն ոստիկանության լրացուցիչ ուժեր են ուղարկվել: