Հայ մարզիկներն անհամբերությամբ են սպասում Օլիմպիական Խաղերի մեկնարկին

Հայաստանի օլիմպիական հավաքականի անդամները մեծ անհամբերությամբ են սպասում 31-րդ ամառային Օլիմպիական խաղերի մեկնարկին:

Անցած մի քանի օրվա ընթացքում թիմի անդամները հասցրել են ծանոթանալ օլիմպիական ավանին, նոր կապեր հաստատել այլ մարզիկների հետ և, որն ամենակարևորն է, շարունակում են մարզումային հստակ ծրագրով նախապատրաստվել քառամյակի ամենասպասված մարզական իրադարձությանը: Այս մասին հայտնում է http://armnoc.am/arm/news/1159/hay-marziknern-anhamberutyamb-en-spasum-olimpiakan-khaxeri-meknarkin.htmlՀԱՕԿ-ի պաշտոնական կայքը։

Ավելի քան 10500 մարզիկների համար նապատեսված օլիմպիական ավանը նման է «աշխարհի մայրաքաղաքի», որտեղ խոսում են բոլոր լեզուներով:

Այս օրերին Օլիմպիական խաղերի ուղեգիր նվաճած 33 մարզիկներից միայն ըմբիշներն են, որ Ռիոյում չեն: Նրանք օլիմպիական քաղաք կժամանեն՝ սկսած օգոստոսի 9-ից:

Օգոստոսի 3-ին կայացել է դրոշի բարձրացման պաշտոնական արարողությունը:

Օգոստոսի 5-ին, տեղական ժամանակով ժամը 20:00-ին լեգենդար «Մարականա» մարզադաշտում կկայանա Ռիոյի Օլիմպիական խաղերի բացման պաշտոնական արարողությունը: