Վնասվածքները Ռիոյում գերակշռում են մեդալները

Ամառային 31-րդ Օլիմպիական խաղերի 7-րդ օրը պետք է մեկնարկի դուրս գար լողորդ Մոնիկա Վասիլյանը, ով վնասվածքի պատճառով չի մասնակցի Խաղերին:

ՀԱՕԿ լրատվականի հետ զրույցում Վասիլյանը նշել է, որ այստեղ մարզումների ժամանակ ստացած ձեռքի վնասվածքի պատճառով բժիշկները նրան թույլ չեն տվել մասնակցել: Նաև հավելեց, որ իրեն լավ է զգում, անհանգստանալու կարիք չկա:

Վնասվածք է ստացել նաև 85 կգ քաշային ծանրորդ Առաքել Միրզոյանը։ Պոկում վարժության ժամանակ ստացած ոտնաթաթի վնասվածքի պատճառով նա չի շարունակել պայքարը:

Պոկում վարժության ժամանակ Միրզոյանը նախ մոտեցավ 158 կգ-ի, սակայն չբարձրացրեց: Երկրորդ մոտեցմանը նա կարողացավ գլխավերևում պահել ծանրաձողը, բայց երրորդ մոտեցում չկատարեց, քանի որ վնասել էր ոտնաթաթը: Միրզոյանը` ոտնաթաթի վնասվածքի պատճառով չշարունակեց հետագա պայքարը:

Տղամարդկանց 85 կգ քաշային կարգի A ենթախմբին մասնակցում էին 11 ծանրորդներ:

Նշենք, որ Ռիօ-2016-ում արդեն այնքան չի զարմացնում մեդալների պակասությունը, որքան՝ վնասվածքների առատությունը։  Ճիշտ է՝ սպորտում ամեն ինչ պատահում է, սակայն ամենևին չի բացառվում նման մակարդակի մրցումներին անպատրաստ լինելը։