Պավել Մանուկյանը կվիրահատվի «Դատապարտյալների հիվանդանոց» ՔԿՀ-ում

«Սասնա ծռեր» խմբի անդամ Պավել Մանուկյանը օգոստոսի 19-ին կվիրահատվի ոչ թե քաղաքացիական հիվանդանոցում, այլ «Դատապարտյալների հիվանդանոց» քրեակատարողական հիմնարկում: Այդ մասին այսօր լրագրողների հետ ճեպազրույցում տեղեկացրեց Մանուկյանի փաստաբան Ինեսսա Պետրոսյանը:

«Ես դեմ եմ, որ նա վիրահատվի դատապարտյալների հիվանդանոցում: Բայց նաև լսել եմ «Էրեբունի» բժշկական կենտրոնի տնօրեն Միքայել Մանուկյանի ելույթը, ով նշում է, որ այնտեղ կա վիրահատարան և իրենք կարող են այդտեղ անցկացնել վիրահատություն», -հավելեց փաստաբանը: