Նախարարը մտադիր է խոսել Նկարիչների միության նախագահի հետ օդորակիչների հարցի մասին

Նկարիչների միությունում ՀՀ նախագահի անձնական լուսանկարիչ Դավիթ Հակոբյանի ցուցահանդեսին ներկա մշակույթի նախարար Հասմիկ Պողոսյանը Panorama.am-ի հետ զրույցում խոստովանեց, որ ինքն էլ մյուս հյուրերի պես շոգում է:

«Այսօր իսկապես այստեղ շատ շոգ է»,-ասաց նախարարը:

Միության սրահում, որտեղ բացվեց ցուցահանդեսը, օդորակիչներ չկային, հյուրերից շատերը ձեռքներն ընկած թղթի կտորով փորձում էին շնչելու օդ ապահովել:

«Ես ուզում եմ միության նախագահի հետ խոսել: Կարծում եմ՝ արժե մի բարեգործական ակցիա անել, գումար հավաքել, մի քիչ էլ պետությունն օժանդակի, որպեսզի խնդիրը լուծվի»,-ասաց Հասմիկ Պողոսյանը: