Մեկնարկել են Պարալիմպիկ խաղերը

Բրազիլիայի մայրաքաղաքում  տեղի է ունեցել Պարալիմպիկ խաղեր- 2016-ի բացումը: Գեղեցիկ շոուից հետո ասպարեզ են դուրս եկել  մասնակից երկրների մարզիկները:

«Լենտա.ռու»-ի փոխանցմամբ, Բելառուսի հավաքականը ի նշան աջակցության մարզադաշտ է բերել նաև Ռուսաստանի դրոշը: Հիշեցնենք, որ Ռուսաստանին թույլ չտվեցին մասնակցել Պարալիմպիկ խաղերին:

Սպորտի և երիտասարդության հարցերի նախարարությունից ավելի վաղ հայտարարել էին, որ սեպտեմբերի 8-19-ը կայանալիք պարալիմպիկ խաղերում Հայաստանը  կներկայանա 2 մարզուհիներով՝ Գրետա Վարդանյան (անձնական մարզիչ՝ Արտակ Ներսիսյան), ով հանդես կգա ծանրամարտ մարզաձևում  և Մարգարիտա Հովակիմյան (անձնական մարզիչ՝ Այծեմիկ Մինասյան)՝ լող մարզաձևում:

Խաղերում Հայաստանի պատվիրակության ղեկավարն է «Հայաստանի ազգային պարալիմպիկ կոմիտե» հասարակական կազմակերպության նախագահ Հակոբ Աբրահամյանը:

Լուսանկարները՝ «Լենտա.ռու»-ից: