Արցախի օմբուդսմենի ինստիտուտի ակտիվ գործունեության մեջ նկատելի ձեռքբերումներ կան. Ա. Թաթոյան

Արցախում նկատելի ձեռքբերումներ կան մարդու իրավունքների պաշտպանության, ժողովրդավարական հաստատությունների, մասնավորապես խորհրդարանի կողմից ձևավորվող օմբուդսմենի ինստիտուտի ակտիվ գործունեության մեջ: Այս մասին նշել է ՀՀ մարդու իրավունքների պաշտպան Արման Թաթոյանն՝ Արցախի Հանրապետության Ազգային ժողովի նախագահ Աշոտ Ղուլյանի հետ հանդիպման ժամանակ:

Արցախի խորհրդարանի ղեկավարն էլ բարձր է գնահատել Հայաստանի Հանրապետության և Լեռնային Ղարաբաղի Հանրապետության մարդու իրավունքների պաշտպանի ինստիտուտների գործունեությունը՝ դրանք որակելով որպես տարածաշրջանում առաջատար կառույցներ:

ԼՂՀ Ազգային ժողովի մամուլի ծառայությունից հայտնում են, որ հանդիպանը քննարկվել են ժողովրդավարական ինստիտուտների զարգացմանը, մարդու իրավունքների ու քաղաքացիական ազատությունների պաշտապանության մեխանիզմների օրենսդրական կատարելագործմանը, Արցախում սահմանադրական բարեփոխումների գործընթացին վերաբերող հարցեր: