ՀԾԿՀ-ն սկսել է ուսումնասիրել գազի և էլէներգիայի սակագինը նվազեցնելու հնարավորությունը. «Ժամանակ»

Հանրային ծառայությունները կարգավորող հանձնաժողովն արդեն  սկսել է ուսումնասիրել  գազի և էլեկտրաէներգիայի  սակագինը  վերանայելու  հնարավորությունը. այս մասին գրել է «Ժամանակ»-ը: 

Թերթը հիշեցրել է, որ նման հանձնարարական  ՀԾԿՀ ղեկավար  Ռոբերտ Նազարյանին  տվել է նորանշանակ  վարչապետ  Կարեն Կարապետյանը  հինգշաբթի օրը  կայացած նիստում։ «Վարչապետը հանձնարարեց վերանայել գազի  և էլեկտրաէներգիայի  սակագինը,  այն մաքսիմալ նվազեցնել  սոցիալապես  անապահով խավերի  համար՝ ի հաշիվ այլ սպառողների»,-հավելել է թերթը։