Հայաստանյան պրեմիերա՝ Երևանյան միջազգային երաժշտական փառատոնի շրջանակում

Երևանյան 10-րդ միջազգային երաժշտական փառատոնի  շրջանում սեպտեմբերի 18-ին Արամ Խաչատրյան համերգասրահում կայանալիք համերգը ղեկավարելու է ուկրաինացի դիրիժոր Կիրիլ Կարաբիցը: Որպես մենակատարներ հանդես են գալու ճապոնացի ջութակահար Դայշին Կաշիմոտոն և ուկրաինացի ալտահար Անդրեյ Վիտովիչը: Այս մասին Panorama.am-ին տեղեկացրեցին Հայաստանի ազգային ֆիլհարմոնիկ նվագախմբի  մամուլի ծառայությունից:

Համերգին նաև կայանալու է  Իվան Կարաբիցի «Կոնցերտ նվագախմբի համար թիվ 2» ստեղծագործության հայաստանյան պրեմիերան: 

Երեկոյի ընթացքում հնչելու է նաև Վալենտին Սիլվեստրովի, Լյուդվիգ վան Բեթհովենի, Ուիլիամ Ուոլթընի ստեղծագործություններից:

Հիշեցնենք, որ Երևանյան 10-րդ միջազգային երաժշտական փառատոնը նվիրված է Հայաստանի Հանրապետության անկախության 25-ամյակին: Սեպտեմբերի 12-ից հոկտեմբերի 30-ն ընթացող փառատոնային ծրագիրն այս տարի գերհագեցած է. 10 սիմֆոնիկ և 3 կամերային համերգներ, նաև հայտնի դաշնակահարուհի Նարե Արղամանյանի մենահամերգը:
Փառատոնի գեղարվեստական ղեկավարներն են Էդուարդ Թոփչյանը և Ալեքսանդր Չաուշյանը: