Սերգեյ Խաչատրյանն ու Նարեկ Հախնազարյանը՝ նույն բեմում

Երևանյան 10-րդ միջազգային երաժշտական փառատոնի  շրջանում  Արամ Խաչատրյան համերգասրահում այսօր կայանալու է Հովարդ Կարագյոզյան հիմնադրամի 95-ամյակին նվիրված համերգ՝  «Անվամբ  Որդու»  խորագրով:

Հայաստանի ազգային ֆիլհարմոնիկ նվագախմբից հայտնում են, որ համերգին որպես մենակատարներ հանդես են գալու Սերգեյ Խաչատրյանը (ջութակ), Նարեկ Հախնազարյանը (թավջութակ), Հակոբ Ղասաբյանը (դիսկանտ), Սիլվա Պետրոսյանը (սոպրանո), Հովհաննես Մանուկյանը (երգեհոն):  Համերգը ղեկավարելու է դիրիժոր Էդուարդ Թոփչյանը:

Երեկոյի ընթացքում հնչելու է Դվորժակի «Թավջութակի կոնցերտը», Կաչինի «Ավե Մարիա», Էնդրյու Լլոյդ Վեբերի  «‘Pie Jesu», հատված Ռեքվիեմից, Շոստակովիչի «Ջութակի կոնցերտ թիվ 1»,  Լ.Կոենի «Ալելուիա» ստեղծագործությունները: