Վարդան Արամյանը նշանակվել է Ֆինանսների նախարար

Հայաստանի նախագահ Սերժ Սարգսյանի հրամանագրով Վարդան Արամյանը նշանակվել է ՀՀ Ֆինանսների նախարար: «Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 4-րդ կետով` որոշում եմ.

Վարդան Արամյանին նշանակել Հայաստանի Հանրապետության ֆինանսների նախարար», -նշված է ՀՀ Նախագահի հրամանագրում:

Նշենք, որ նախկինում Վարդան Արամյանը ՀՀ նախագահի աշխատակազմի ղեկավարի տեղակալն էր և ՀՀ նախագահի մեկ այլ հրամանագրով ազատվել է այդ պաշտոնից: Ֆինանսների նախկին նախարարը Գագիկ Խաչատրյանն էր:

Նախարար Վարդան Արամյանի կենսագրականը՝ ՀՀ կառավարության պաշտոնական էջում։