Ամենից շատ կարդացված նյութեր
.jpg "«Մեջտեղ եկավ «Հին Երևան» ծրագիրը, որն իրենից բացարձակապես պատմական արժեք ներկայացնել չի կարող»")
«Մեջտեղ եկավ «Հին Երևան» ծրագիրը, որն իրենից բացարձակապես պատմական արժեք ներկայացնել չի կարող»
«Ճարտարապետության և մշակութային արժեքների պահպանության կոմիտեի ստեղծմանը դրական եմ վերաբերում»,-այսօր լրագրողների հետ հանդիպմանն ասաց հայագետ, նախիջևանագետ, ՀՀ մշակույթի վաստակավոր գործիչ Արգամ Այվազյանը:
«Մշակույթի նախկին նախարարը ահազանգել էր, որ մշակույթի նախարարությունից այդ գործառույթը վերցնելը կարող է շատ վատ անդրադառնալ հուշարձանների պահպանության խնդրի, ես ամենևին այդ կարծիքին չեմ: Հայաստանում 1921 թվականին ստեղծվել էր Հնությունների և գեղարվեստական հուշարձանների պահպանության կոմիտե և այդ օրվանից մինչև 1995 թվականը այդ կառույցը մշակույթի նախարարության ենթակայության տակ չի եղել»,-հիշեցրեց նա:
Անդրադառնանք մշակույթի նախարարության ենթակայության տակ գտնվող հուշարձանների վերականգնման աշխատանքներին՝ մշակույթի վաստակավոր գործիչն ասաց, որ մասնագիտական տեսանկյունից շատ վատ աշխատանքներ են իրականացվեցին վերջին 10-15 տարիների ընթացքում. «Օրինակ մասնագիտական թերուցումներով իրականացվեցին Գառնիի կամուրջի, Քոբայրի, Հնեվանքի, Սանահինի, Հաղարծինի, Օձունի տաճարի մասնակի կամ ամբողջական վերանորոգման աշխատանքները»:
Նրա խոսքով՝ հուշարձանների պահպանության բնագավառում պետք չէ հեռու գնալ և ուսումնասիրել մայրաքաղաքը. «Երևանում հին ժողովրդական տները, որոնք դեռ 80-ականներին հաշվառված էին պետական ցուցակներում՝ որպես հուշարձաններ, 90-ականներից հետո շատ սահուն կերպով դրանց կարգավիճակը հանվեց և Հայաստանում ի հայտ եկավ «գերակա շահ» անունով մի տերմին և այսօր մենք չկարողացանք անգամ փոքրիկ Երևանի միջուկը պահպանել: Մեջտեղ եկավ «Հին Երևան» ծրագիրը, որն իրենից բացարձակապես պատմական արժեք ներկայացնել չի կարող: Հավաքել հինգ-տասը շենք՝ ծածկած շուկայի նման մի տեղ, դա ամոթ է»:
Արգամ Այվազյանը հավելեց նաև, որ հուշարձանների պահպանության մի ձև է նաև դրանց մասին գիր ու գրականություն հրատարակելը, սակայն դա էլ տեսանելի չէ մշակույթի նախարարության ենթակայության տակ եղած տարիներին:
Studio One