Ղրղզստանի նախագահը դուրս է գրվել հիվանդանոցից

Ղրղզստանի նախագահ Ալմազբեկ Աթամբաևը բուժումից հետո դուրս է գրվել Մոսկվայի Կենտրոնական կլինիկական հիվանդանոցից:

«Նախագահն իրեն լավ է զգում: Նրա վիճակը գնահատվում է  լավ, հետազոտության արդյունքները նույնպես լավ են»,-գրում են ռուսական լրատվամիջոցները` վկայակոչելով Ռուսաստանում Ղրղզստանի դեսպանության մամուլի ծառայության հաղորդագրությունը:

Դեսպանությունից հայտնել են, որ Աթամբաևը շուտով կվերադառնա Ղրղզստան, սակայն հստակ ժամկետներ հայտնի չեն: