Իրանի հավաքականի երկրպագուներին արգելված է ուրախանալ

Աշխարհի 2018 թ. ասիական գոտու առաջնության Հարավային Կորեայի ֆուտբոլի հավաքականի հետ հանդիպումից առաջ Իրանի ընտրանու երկրպագուները մի շարք սահմանափակումներ կունենան:

Ինչպես տեղեկացնում է «Sport-Express»-ը, իրանցի երկրպագուները չեն կարողանա մարզադաշտում արտահայտել իրենց ուրախությունը և պետք է ստադիոն գան սև մարզահագուստով: Դա կապված է մահմեդական կրոնական տոնի հետ, որը նվիրված է 680 թ. մահացած Իմամ Հուսեինի հիշատակին:

Բացի այդ, մարզադաշտում կտեղակայվեն 75 քմ չափով երկու սև դրոշակներ: Կորեացի ֆուտբոլիստները համաձայնվել են նաև կրել սև թևկապներ:

Հիշեցնենք, որ 3-րդ տուրից հետո Իրանի և Հարավային Կորեայի հավաքականները 7-ական միավորով խմբի առաջատարներն են: