Մոսկովյան «Սիթիբանկը» գրաված հայ գործարարի դեմ նոր մեղադրանք է առաջադրվել՝ ահաբեկչություն

Մոսկովյան «Սիթիբանկ» ներխուժած ու գրաված հայազգի գործարար Արամ Պետրոսյանի նկատմամբ երկրորդ քրեական գործն է հարուցվել, որով նրան ահաբեկչության մեղադրանք է առաջադրվել:

«Life.ru»-ի փոխանցմամբ, քրեական օրենսգրքի «ահաբեկչականգործողություն» հոդվածը նաև սահմանում է, որ եթե մարդը հանձնվում է, հրաժարվում իր մտադրություններից, ազատվում է պատասխանատվությունից: Այսպիսով, ըստ աղբյուրի, Պետրոսյանի նկատմամբ առաջադրվել է երկու մեղադրանք՝ պատանդներ վերցնելը և ահաբեկչություն:

Հարուցված քրեական գործի շրջանակներում հոկտեմբերի 11-ին քննչական գործողություններ են իրականացվել «Սիթիբանկ»-ում, ինչպես նաև Պետրոսյանի բնակարանում:

Արամ Պետրոսյանը օգոստոսի 24-ին ներխուժել էր «Սիթիբանկ», պատանդ վերցրել չորս քաղաքացու և սպառնացել, թե կպայթեցնի: Բանակցությունների արդյունքում, նա բաց է թողել բոլոր պատանդներին, ովքեր եղել բանկում, ու հանձնվել ոստիկանությանը: Ավելի ուշ նա հայտարարել է, թե այդ քայլով ինքը փորձել է ՌԴ ղեկավարության ուշադրությունը դարձնել գործարարների սնանկությանը: