Վարչապետի «պրիմիտիվ գողության» մասին հայտարարության նկատմամբ իրավապահները հետաքրքրություն չեն ցուցաբերում. «Հրապարակ»

«Հրապարակ»-ը գրել է. «Կառավարությունում տեղի ունեցած «պրիմիտիվ գողության» մասին Կարեն Կարապետյանի աղմկահարույց հայտարարության նկատմամբ իրավապահ մարմինները հետաքրքրություն չեն ցուցաբերում։ Արդյոք ԱԱԾ-ն քննություն սկսե՞լ է այդ հարցով. երեկ մեր լրագրողը հետաքրքրվել է Անվտանգության ծառայության փոխտնօրեն Արզուման Հարությունյանից, սակայն նա հորդորել է դիմել իրենց լրատվական կառույցին, որը փաստացի գոյություն չունի։

Իսկ գողության մասին հայտարարությունը, հիշեցնենք, վերաբերում էր ավիատոմսերի ձեռքբերմանը։ Թե ինչ «պրիմիտիվ գողության» մասին է խոսքը, ինչ ծավալների է այն, ով է կատարել, ինչ-որ մեկը ենթարկվելո՞ւ է պատասխանատվության, ոչինչ դեռևս հայտնի չէ»։