Կապրենք, կտեսնենք. Արամյանը՝ նոր ներմուծողների հայտնվելու մասին

Այսօր Ազգային ժողովում Ֆինանսների նախարար Վարդան Արամյանից լրագրողները հետաքրքրվեցին, թե արդյոք եղել են գործարարներ, ովքեր փորձել են վարչապետի հայտնի հայտարարությունից հետո բենզին, շաքար ներկրել:

Ի պատասխան Արամյանն ասաց, որ այս պահին որևէ տեղեկություն կամ տվյալ այդ մասին չունի:

Նաև նշեց, թե. «Յուրաքանչյուր տնտեսվարող որ ներմուծում է կատարում կամ ճշգրտում է մտցնում իր ծրագրերում, մի ակնկալեք, որ դա ընդամենը 10-15 օրվա ընթացքում լինելու է: Կապրենք, կտեսնենք: Իրականում խոշոր ներմուծումներ կատարելու համար պետք է ունենաս ենթակառուցվածքներ»:

Նախարարի խոսքով՝ փոքր ներկրողը չի կարող միանգամից խոշոր ծավալներով ներկրումներ իրականացնել և դրա համար պետք է նախապատրաստվել: