ԱՄՆ-ում բողոքի ակցիաներ են ու ձերբակալություններ

Հանրապետական Դոնալդ Թրամփի հաղթանակը հարուցել է հազարավոր ամերիկացիների դժգոհությունը: Նրանք հիշեցնում են քարոզարշավի ժամանակ նախագահի այդ թեկնածուի ելույթները միգրանտների, մուսուլմաների ու այլ խմբերի մասին:  Բողոքի ցույցեր են Վաշինգտոնում, Նյու Յորքում, Տեխասում, Իլինյոսում, Օրեգոնում, Ֆիլադելֆիայում, Բոստանում, Չիկագոյում:

«Ռոյթերզ»-ի   հաղորդմամբ, «Թրամփն իմ նախագահը չէ» կարգախոսներով հազարավոր մարդիկ դուրս են եկել:
Չիկագոյում  1 800 մարդ հավաքվել է Թրամփ միջազգային հյուրանոցի մոտ՝ վանկարելով «Ոչ Թրամփին, ոչ ԱՄՆ-ում ռասիստին»:

«Տասս»-ի  փոխանցմամբ, ոստիկանությունը բողոքի 30 մասնակիցների է ձերբակալել:

Վաշինգտոն նահանգի Սիեթլ  քաղաքում անհայտ անձը կրակ է բացել  բողոքի ակցիայի անցկացման վայրից ոչ հեռու: Վնասվածքներ է ստացել 5 մարդ:  2-ի կյանքին վտանգ է  սպառնում: