Մխիթարյանը մարզաշապիկը նվիրեց սայլակով մարզադաշտ եկած երկրպագուին

Հայաստանի ֆուտբոլի ազգային հավաքականի ավագ Հենրիխ Մխիթարյանն աշխարհի 2018 թ. առաջնության ընտրական փուլում Չեռնոգորիայի հավաքականի նկատմամբ 3:2 հաշվով տոնած հաղթանակից հետո մի քանի վայրկյան շփվեց երկրպագուների հետ:

Մխիթարյանը, ով այս խաղում թեև չկարողացավ գոլի հեղինակ դառնալ, սակայն իր խաղով մեծապես օգնեց հավաքականին, հանդիպումից հետո լուսանկարվեց հաշմանդամություն ունեցող երկրպագուի հետ և իր մարզաշապիկը նվիրեց նրան: