Մասուդ Քարբասիան. Իրանը Հայաստանի միջոցով կարող է կապվել Եվրասիական տնտեսական միությանը

Իրանը Հայաստանի միջոցով կարող է մուտք գործել Եվրասիական տնտեսական միության շուկա,-իրանական «Թասնիմ» լրատվական գործակալության փոխանցմամբ՝ հայտարարել է Իրանի մաքսային ծառայության ղեկավար Մասուդ Քարբասիանը:

Իրանական աղբյուրի փոխանցմամբ՝ ԻԻՀ մաքսային ծառայության ղեկավարի գլխավորած պատվիրակության՝ Հայաստանը կատարած այցի շրջանակներում ՀՀ պետական եկամուտների կոմիտեի և ԻԻՀ մաքսային ծառայության միջև համագործակցության մասին փոխըմբռնման հուշագիր է ստորագրվել:

Իրանցի պաշտոնյան, անդրադառնալով հայ-իրանական տնտեսական համագործակցության հեռանկարին, համոզմունք է հայտնել, որ երկու երկրների միջև վիզային ռեժիմի չեղարկումը կնպաստի զբոսաշրջության զարգացմանն ու կաշխուժացնի տնտեսական կապերը: