Հայաստանի պարային զույգը Վարաշավայի գավաթի խաղարկության լավագույն եռյակում է

Թինա Կարապետյան - Սիմոն Սենեկալ պարային զույգը Լեհաստանում մասնակցում է գեղասահքի Վարշավայի գավաթի խաղարկությանը:

Ինչպես տեղեկացնում է Հայաստանի գեղասահքի ֆեդերացիայի մամուլի ծառայությունը, կարճ ծրագրից հետո Հայաստանը ներկայացնող զույգը 6 երկրների 9 զույգերի պայքարում զբաղեցնում է 3-րդ հորիզոնականը:

Առաջատարներն են Ռուսաստանը ներկայացնող Եկատերինա Բոբորովա-Դմիտրի Սոլովյով և Տիֆանի Զախորսկի -Ջոնաթան Գուերեյրո զույգերը: Հաջորդիվ տեղի կունենա ազատ ծրագիրը: