Իրանի Մեջլիսը կառավարությունից պահանջում է ԱՄՆ-ի քայլերին համարժեք արձագանքել

Իրանի Մեջլիսը կառավարությունից պահանջում է ԱՄՆ-ի քայլերին համարժեք արձագանքել,-հաղորդում է իրանական «ՄԵՀՐ» լրատվական գործակալությունը:

Հիշեցնենք, օրերս ԱՄՆ-ի Կոնգրեսի 419 ներկայացուցիչ Իրանի նկատմամբ սահմանված պատժամիջոցները 10 տարով երկարացնելու մասին օրինագծին կողմ էր քվեարկել:

Իրանական աղբյուրի փոխանցմամբ՝ ԻԻՀ Մեջլիսի 220 պատգամավոր այսօր կայացած նիստի ընթացքում համատեղ հայտարարություն են տարածել, որտեղ կառավարությունից պահանջում են Միացյալ Նահանգների քայլերին համարժեք պատասխան տալ:

Իրանի Մեջլիսի ազգային անվտանգության և արտաքին քաղաքականության հարցերով հանձնաժողովի անդամ Մոհամմադ Ջավադ Ջամալին «ՄԵՀՐ»-ին տված հարցազրույցում տեղեկացրել է, որ ներկայում խորհրդարանում մի նախագիծ է մշակվում, որը նախատեսում է Միացյալ Նահանգներից արգելել գյուղատնտեսական մթերքների ներկրումը: