Brexit-ի հետևանքով Բրիտանիան միլիոնատերերի է կորցրել

Եվրոպական միությունից դուրս գալու որոշումից հետո՝ Մեծ Բրիտանիայում դոլարային միլիոնատերերի թիվը նվազել է 15 տոկոսով: Credit Suisse-ի զեկույցի տվյալներն է մեջբերում «Գազետա.ռու»-ն:

«Մեծ Բրիտանիայի համար 2015‒ 2016 թվականներն ավարտվում են փոխարժեքի և ֆոնդային շուկայի կտրուկ անկումով: Կանխատեսումը միանշանակ չէ ինչպես  տնտեսության, այնպես էլ՝ տնային տնտեսությունների համար»,-ասված է զեկույցում:

Ինչպես հայտնի է դարձել, Բրիտանիայում տնային տնտեսությունների վիճակը մեկ տարվա համար նվազել է  1,5 տրլն դոլարով կամ 10 տոկոսով: Credit Suisse, վերլուծաբանների կարծիքով՝ դա Brexit-ի «ուղղակի հետևանքն» է:

Աղբյուրը նաև հայտնում է, որ աշխարհում դոլարային միլիոնատերերի մեծ մասը՝ 41 տոկոս կամ 13,5 միլիոն մարդ, ապրում է ԱՄՆ-ում: