1000 դրամը, հավանաբար կդառնա կամավոր. ՀԺ

Իշխանությունները, կարծես թե, նահանջում են զոհված կամ հաշմանդամ  դարձած  զինծառայողներին հատուցում տալու  վերաբերյալ  1000 դրամանոց հատկացումների  նախագծում որդեգրած  պայմաններից։  Եթե ի սկզբանե որոշում էր կայացվել, որ  յուրաքանչյուր աշխատողի աշխատավարձից ամսական 1000-ական  դրամ պահելը պետք է  օրենքի ուժով պարտադիր լինի,  ապա հիմա չեն բացառում, որ  այն կարող է նաև կամավոր լինել ։ Այս մասին առաջին անգամ անցած ուրբաթ  հայտարարել է  հանրապետական խմբակցության ղեկավար  Վահրամ Բաղդասարյանը, այնուհետ դա չեն բացառել նաև  իշխանության մի շարք ներկայացուցիչներ։ Այս մասին գրել է «Հայկական ժամանակ»-ը:

ԱԺ սոցիալական հարցերի մշտական հանձնաժողովի  նախագահ  Հակոբ Հակոբյանը թերթի հետ զրույցում  հայտնել է, որ  թե կամավորի թե պարտադիրի դեպքում  մեր հասարակությունն իր պարտքը կկատարի իր հաշմանդամ կամ մահացած  զինվորի ընտանիքի նկատմամբ։