Բռնցքամարտիկը 8 ռաունդ մենամարտել է կոտրված ձեռքով և… հաղթել

Ուկրաինացի Դմիտրի Կուչերի հետ մենամարտում գերմանացի բռնցքամարտիկ Մարկո Հուկը 8 ռաունդ անցկացրել է կորտված ձեռքով: Մրցավարների միաձայն որոշմամբ 12-րդ ռաունդից հետո հաղթանակը շնորհվել է նրան և միայն հետո են բոլորն իմացել, որ Հուկը ստացել է լուրջ վնասվածք:

Ինչպես տեղեկացնում է «Isport»-ը, IBO վարկածով աշխարհի գործող չեմպիոնը մենամարտից հետո թվիթերյան իր էջում տեղադրել է ձախ ձեռքի նկարը և նոր միայն խոստովանել, որ 4-րդ ռաունդում կոտրել է այն: