Իրանում գնացքների բախումից զոհերի թիվը հասել է 44-ի

Իրանում գնացքների բախման հետևանքով զոհերի թիվն ավելացել է:  «Գազետա.ռու»-ն գրում է, որ զոհերի թիվը հասել է 44-ի, իսկ վիրավորներինը՝ 100-ի:

Միջադեպը տեղի է ունեցել Իրանի մայրաքաղաք Թեհրանից 250 կիլոմետր արևելք:

Գնացքների բախման հետևանքով չորս վագոն դուրս են եկել գծերից, ևս երկուսն այրվել: Տեղական իշխանությունների փոխանցմամբ՝ շարժման ընթացքում 400 մարդ է եղել գնացքում: