Ամենից շատ կարդացված նյութեր
.jpg "Արցախի նախագահ. Դատախազների սոցպայմանների բարելավման հարցերը պետության ուշադրության կենտրոնում են")
Արցախի նախագահ. Դատախազների սոցպայմանների բարելավման հարցերը պետության ուշադրության կենտրոնում են
Արցախի Հանրապետության Նախագահ Բակո Սահակյանը նոյեմբերի 26-ին մասնակցել է ԼՂՀ դատախազության աշխատակցի օրվան նվիրված հանդիսավոր միջոցառմանը:
Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ, նախագահը շնորհավորել է ներկաներին մասնագիտական տոնի առթիվ և պետական պարգևներ հանձնել դատախազության մի խումբ աշխատակիցների:
Իր խոսքում Նախագահ Սահակյանը կարևորել է դատախազության դերը մեր երկրի կյանքում՝ նշելով, որ դա կարևոր ծառայություն է, որը պահանջում է բարձր մասնագիտական, մարդկային ու բարոյական հատկանիշներ, լուրջ պատրաստվածություն, արհեստավարժություն, անձնվիրություն և պատասխանատվություն ծառայողական պարտականությունների իրականացման հանդեպ:
«Համակարգի առջև ծառացած հիմնախնդիրները, աշխատակիցների աշխատանքային և սոցիալական պայմանների բարելավման հարցերը մշտապես գտնվում են պետության ուշադրության կենտրոնում, և այսուհետ էլ կարվի հնարավորը դրանք պատշաճ կերպով լուծելու համար»,-ընդգծել է Բակո Սահակյանը:
Studio One