Թվայնացվել է շուրջ 7000 ձեռագիր

«Մատենադարանում պահվող ձեռագրերից մոտ 7000-ն արդեն թվայնացվել է: Միաժամանակ թվայնացվել է նաև 100 հազար միավոր արխիվային վավերագրեր»,- Panorama.am-ին տեղեկացրեց Մատենադարանի տնօրենի նորագույն տեխնոլոգիաների և հրատարակչական հարցերի գծով խորհրդական, տպագիր և ձեռագիր հավավքածուերի թվայնացման աշխատանքների պատասախանատու Գուրգեն Գասպարյանը:

Նա նշեց, որ արխիվային վավերագրերը թվայնացվում են ըստ պատվերի, պահանջի, ձեռագրերը՝ ըստ գույքահամարի, հերթականություն:

«Երբեմն ձեռագրերը թվայնացնում ենք նաև ըստ պատվերի: Պատվիրում են հայագետները, ուսումնասիրողները, երբ որևէ թեմայի ուսումնասիրությամբ են զբաղվում»,- հավելեց նա:

Գ.Գասպարյանի խոսքով՝ Մատենադարանում կա 22 հազար միավոր ձեռագիր, այժմ արդեն 1/3-ը թվայնացվել է:

«Նման տեպմերով  շարունակելու դեպքում երևի 6-7 տարվա ընթացքում ձեռագրային ողջ հավաքածուն կթվայնացնենք»,- ասաց նա:

Նշենք, որ Մատենադարանում պահվող ձեռագրերի թվայնացման աշխատանքները սկսվել են 2007-2008 թթ.: Տարիների ընթացքում Մատենադարանը ձեռք է բերել թվայնացման համար նախատեսված նոր սարքեր: