Ամենից շատ կարդացված նյութեր
.jpg "Արթուր Ալեքսանյան. «Այն, ինչը կոչում են սպորտի գագաթնակետ, ինձ համար մանկության երազանք էր»")
Արթուր Ալեքսանյան. «Այն, ինչը կոչում են սպորտի գագաթնակետ, ինձ համար մանկության երազանք էր»
2016 թ. ամառային Օլիմպիական խաղերի ոսկե մեդալակիր Արթուր Ալեքսանյանն այսօր հյուրընկալվել է Խ. Աբովյանի անվան Երևանի Պետական Մանկավարժական համալսարանին: Այս մասին տեղեկացնում է բուհի պաշտոնական կայքը:
Հանդիպման ընթացքում Արթուր Ալեքսանյանը խոսել է սիրելի սպորտաձևով զբաղվելու, մեծ սպորտում ունեցած հիասթափությունների և հաղթանակների մասին:
«Այն, ինչը կոչում են սպորտի գագաթնակետ, ինձ համար մանկության երազանք էր, ձգտում, որը կար 16 տարի շարունակ սպորտով զբաղվելու ընթացքում: Դժվար է դառնալ Օլիմպիական չեմպիոն: Ի տարբերություն այլ մրցաշարարերի, կրկնապատկվում է լարվածությունն ու մեկտեղվում հոգեբանական և ֆիզիկական պայքարը»,- նշել է մարզիկն ու ավելացրել, որ հիասթափություններ եղել են, սակայն միշտ էլ ուժ է գտել պայքարել, ինչում մեծ դեր ունի նաև ժողովրդի սերը, ընտանիքն ու հատկապես մարզիչը՝ հայրը:
Կյանքում սպորտից դուրս մեծագույն հաղթանակը դարձյալ սպորտը համարող ամառային Օլիմպիական խաղերի ոսկե մեդալակիրը վստահեցրել է, որ առաջիկայում նոր հաղթանակներ ունենալու ձգտումով շարունակելու է մարզվել:
Ուսանողական խորհրդի նախաձեռնությամբ կազմակերպված հանդիպման ընթացքում բուհի պրոռեկտոր Արմեն Թամազյանը Արթուր Ալեքսանյանին պարգևատրել է «Մանկավարժական համալսարան» մեդալով:
Studio One