Մագնուս Կառլսեն. «Հսկայական թեթևություն եմ զգում՝ պաշտպանելով կոչումը»

Նորվեգացի Մագնուս Կառլսենը նշել է, որ Սերգեյ Կարյակինի հետ շախմատային թագի համար մրցախաղի թայ-բրեյքում վստահություն ուներ սեփական ուժերի հանդեպ։ Ռուսաստանցի շախմատիստը պարտվեց անցկացրած 4 խաղից 2-ում, որոնցից մեկում, ի դեպ, խաղում էր սպիտակներով։

«Երկար եմ պայքարել աշխարհի չեմպիոնի կոչման համար, և այն կորցնելը հաստատ ուրախալի չէր լինի,- Կառլսենի խոսքերը մեջբերել է sport-express.ru-ն։- Ես հսկայական թեթևություն եմ զգում, որ կարողացա պաշտպանել կոչումս։ Այսօր ինձ հիանալի էի զգում, դե, ժամանակն էլ ճնշում էր մրցակցիս։ Ավելի լավ խաղացի»։