Մաթս Հումմելս. «Տեղափոխությունը «Մանչեսթեր Յունայթեդ» շատ հավանական էր»

«Բավարիայի» պաշտպան Մաթս Հումմելսը հայտնել է, որ 2014 թ. կարող էր Դորտմունդի «Բորուսիայից» տեղափոխվել «Մանչեսթեր Յունայթեդ»։ Արդյունքում նա որոշել է մնալ Գերմանիայում, իսկ անցած ամռանը միացավ «Բավարիային»՝ ստորագրելով հնգամյա պայմանագիր։

«ՄՅու»-ի հետ գործարքը շատ հավանական էր։ Այո, այո, այո, շատ հավանական,- Հումմելսի խոսքերը մեջբերել է sport-express.ru-ն։- Վերջին տարիներին Անգլիայից մի շարք առաջարկներ եմ ունեցել, ինչպես նաև Իսպանիայի առաջատար ակումբներից մեկից։ Իսպանացիների հետաքրքրությունը բավական թույլ էր, իսկ ահա «ՄՅու»-ն բոլորից մոտ էր դրան։ Վան Գալն ուզում էր ինձ տեսնել թիմում, բայց ոչ միայն նա։ Հիմա ինձ համար արդեն դժվար կլինի խաղալ Անգլիայում։ Դեկտեմբերին կլրանա 28-ամյակս, իսկ «Բավարիայի» հետ պայմանագիրս ստորագրված է 5 տարով»։