Ամենից շատ կարդացված նյութեր
.jpg "Իրանի նախագահի այցով տնտեսական հարաբերությունները զարգացնելու հնարավորություն կունենանք. Ա. Զաքարյան")
Իրանի նախագահի այցով տնտեսական հարաբերությունները զարգացնելու հնարավորություն կունենանք. Ա. Զաքարյան
«Իրանի նախագահի Հայաստան այցի ժամանակ կստորագրվեն մի շարք պայմանագրեր հայ-իրանական՝ երկկողմ նշանակություն ունեցող, որը հնարավարություն կտա մեզ զարգացնել տնտեսական հարաբերություններ»,- այսօր լրագրողների հետ հանդիպմանն ասաց ԱԺ արտաքին հարաբերությունների հանձնաժողովի նախագահ Արտակ Զաքարյանը:
Նրա խոսքով՝ դրանք նաև որոշակի առաջընթաց կապահովել ենթակառուցվածքների ներդրման և բարելավման հարցում. «Գիտեք, որ մենք տնտեսական առումով ունենք ենթակառուցվածքների բարելավման անհրաժեշտություն, խնդիր ունենք բարձրացնելու մեր երկրում տնտեսական գրավչությունը, փորձելու ներգրավել նոր տնտեսական ռեսուրսներ, այդ առումով ԻԻՀ-ն մեր լավագույն գործընկերներից մեկն է»,-նշեց Զաքարյանը:
Հիշեցնենք, որ նախագահ Սերժ Սարգսյանի հրավերով դեկտեմբերի 21-ին պաշտոնական այցով Հայաստանի Հանրապետություն կժամանի Իրանի Իսլամական Հանրապետության Նախագահ Հասան Ռոհանին:
Այցի շրջանակներում Իրանի Իսլամական Հանրապետության Նախագահը հանդիպումներ կունենա Նախագահ Սերժ Սարգսյանի, վարչապետ Կարեն Կարապետյանի հետ:
Studio One