Հռիփսիմե Խուրշուդյան. «Շնորհակալ եմ նույնիսկ չքվեարկողներից»

Ծանրամարտի կանանց Հայաստանի անդամ, Եվրոպայի առաջնության կրկնակի չեմպիոն Հռիփսիմե Խուրշուդյանը հաճելիորեն զարմացել ու միաժամանակ ոգևորվել է՝ հայտնվելով 2016 թ. Հայաստանի լավագույն մարզիկների տասնյակի 8-րդ հորիզոնականում: Հայ մարզուհին ֆեյսբուքյան իր էջի միջոցով շնորհակալություն է հայտնել բոլոր այն մարդկանց, ովքեր քվեարկել են իր օգտին:

«Շնորհակալություն եմ հայտնում բոլոր այն լրատվամիջոցներին և լրագրողներին, ովքեր իմ օգտին են քվեարկել և ես ընդգրկվել եմ Հայաստանի 10 լավագույն մարզիկների շարքում: Այն իմ մեջ մեծ ոգևորություն է սերմանել: Շնորհակալ եմ նույնիսկ չքվեարկողներից»,- գրել է Հռիփսիմեն:

Հիշեցնենք, որ հենց 2016 թ. է հայ մարզուհին դարձել Եվրոպայի կրկնակի չեմպիոն, իսկ արգելված խթանիչների հետ կապված պատմությունը վերաբերում է 2012 թ. Օլիմպիական խաղերին: Բացի այդ, հայ մարզուհին ժամանակավորապես է որակազրկված, քանի որ ծանրամարտի միջազգային ֆեդերացիան, ում պատկանում է վերջին խոսքը, մինչ այժմ չի հրապարակել իր որոշումը: