Հրաչյա Ռոստոմյանն ու Մոհամադ Ջավադ Զարիֆը երկկողմ համագործակցության մասին համաձայնագիր են ստորագրել

ՀՀ Նախագահի նստավայրում երեկ կայացած հայ-իրանական բարձր մակարդակի բանակցությունների ավարտին ՀՀ սպորտի և երիտասարդության հարցերի նախարար Հրաչյա Ռոստոմյանը և ԻԻՀ արտաքին գործերի նախարար Մոհամադ Ջավադ Զարիֆը համաձայնագիր են ստորագրել «Հայաստանի Հանրապետության սպորտի և երիտասարդության հարցերի նախարարության և Իրանի Իսլամական Հանրապետության սպորտի և երիտասարդության հարցերի նախարարության միջև սպորտի բնագավառում համագործակցության մասին»: Այս մասին տեղեկացնում է msy.am-ը։