Լատվիայի լավագույն մարզիկը մրցանակի հետևից է ուղարկել 2 տատիկներին

«Նյու-Յորք Նիկս» բասկետբոլային թիմի կենտրոնական Քրիստապս Պորզինգիսը ճանաչվել է Լատվիայի 2016 թ. լավագույն մարզիկ, սակայն չի կարողացել ներկա գտնվել մրցանակաբաշխությանը` խաղային խիտ գրաֆիկի պատճառով: Այս մասին տեղեկացնում է «Eurosport»-ը:

Փոխարենը բասկետբոլիստը մրցանակն ստանալու է ուղարկել իր երկու տատիկներին և երկու մորաքույրներին: Բարեկամներն առիթը բաց չեն թողել և իրենց հեղինակային երգը նվիրել են աստղային մարզիկին:

Հավելենք, որ ընթացիկ մրցաշրջանում Պորզինգիսն իր թիմի կազմում մասնակցել է 28 հանդիպման` միջինը վաստակելով 20,2 միավոր: