ՖԻՖԱ-ի մրցանակաբաշխության ժամանակ գողացել են 600,000 եվրո արժողությամբ ժամացույցներ

ՖԻՖԱ-ի ներկայացուցիչները տարվա լավագույններին ի հայտ բերելուց հետո դիմել են ոստիկանություն` գողություն բացահայտելու պատճառով: Արարողությունից առաջ անհետացել է 600,000 եվրո արժողությամբ էլիտար 6 ժամացույց, որոնք նախատեսված են եղել մրցանակակիրների համար: Այս մասին տեղեկացնում է «Eurosport»-ը:

Ցյուրիխում կայացած միջոցառման ժամանակ կազմակերպիչները ստիպված են եղել փոխարինել նախատեսված մրցանակն այլ մոդելի ժամացույցներով:

Հիշեցնենք, որ ՖԻՖԱ-ի վարկածով տարվա լավագույն ֆուտբոլիստի կոչմանն արժանացել է Պորտուգալիայի ֆուտբոլի ազգային հավաքականի և Մադրիդի «Ռեալի» հարձակվող Քրիշտիանու Ռոնալդուն, իսկ 2016 թ. լավագույն մարզչի կոչումը բաժին է հասել անգլիական «Լեսթերը» գլխավորող Կլաուդիո Ռանյերիին: