Մեկ օրում Վատիկանի գլուխգործոցների ցուցահանդեսի 30 հազար տոմս է վաճառվել

Տրետյակովյան պատկերասրահում Վատիկանի թանգարանի գլուխգործոցների՝ «Roma Aeterna» խորագրով ցուցադրության բոլոր տոմսերը մինչև փետրվարի 19-ը վաճառված են: Նման հայտարարություն իր էջում հրապարակել է պատկերասրահը:

«Եթե պատվիրված տոմսերի մի մասը չվճառվի, ապա դրանք կվերադարձվեն կայք»,-ասված է հաղորդագրության մեջ:

«Լենտա.ռու»-ի փոխանցմամբ, պատկերասրահի աշխատակիցները հայտարարել են, որ մեկ օրում վաճառվել է 30 հազար տոմս:

Վերածնունդի դարաշրջանի նկարիչներ Ջովաննի Բելլինի,  Ռաֆայել Սանտիի, Միքելանջելո Կարավաջոյի գլուխգործոցների ցուցադրության բացումը տեղի է ունեցել նոյեմբերի 25-ին: