Անդրանիկ Մարգարյանի հուշամրցաշարին մասնակցում է շուրջ 760 շախմատիստ

Հայաստանի շախմատի ակադեմիայի կողմից յոթերորդ տարին անընդմեջ անցկացվող ՀՀ վարչապետ, Հայաստանի շախմատի ակադեմիայի հիմնադիր Անդրանիկ Մարգարյանի հուշամրցաշարին  այս տարի մասնակցում է շուրջ 760 շախմատիստ: Այս մասին հայտնում է chessfed.am-ը:

Մրցաշարն ընթանում է տարիքային խմբերով, որին մասնակցում են 8-18 տարեկան տղաներ և աղջիկներ: Հուշամրցաշարը կեզրափակվի հունվարի 16-ին: Հաղթողները  իրավունք կստանան մասնակցելու Հայաստանի շախմատի ակադեմիայի հավաքներին: