Ամենից շատ կարդացված նյութեր
.jpg "Վարչապետի հանձնարարականով պետական մարմինները կիրականացնեն ներդրումային ծրագրերի գույքագրում")
Վարչապետի հանձնարարականով պետական մարմինները կիրականացնեն ներդրումային ծրագրերի գույքագրում
ՀՀ կառավարության այսօրվա նիստում մինչև օրակարգին անցնելը վարչապետ Կարեն Կարապետյանն անդրադարձավ ներդրումային ծրագրերի գույքագրմանը:
Վարչապետը նախարարներին հանձնարարեց, որ յուրաքանչյուրն իր ոլորտում իրականացնի ներդրումային ծրագրերի գույքագրում, կառավարության աշխատակազմ ներկայացնի այն ծրագրերը, որոնցում կանխատեսվում են ներդրումների իրականացում 2017թ-ին՝ հստակ նշելով ներդրումների կանխատեսվող ծավալը:
Վարչապետը մասնավորեցրեց, թե ինչի մասին է խոսքը. «Մասնավորապես, հաջորդ շաբաթվա ընթացքում բոլոր գերատեսչությունները, կոմիտեները հանրությանը հստակ պետք է հաշվետվություն ներկայացնեն, թե 2017-ին իրենց ոլորտներում ինչ ներդրումներ են ակնկալում»:
Կարեն Կարապետյանը հավելեց, որ ներդրումների աղբյուրները կարող են տարբեր լինել՝ վարկային, բյուջետային և այլն:
Ըստ նրա՝ այդ կանխատեսումների հիման վրա կառավարությունը պետք է ամփոփի, թե ընդհանուր ինչ ներդրումային ծրագիր է ստանալու:
Վերջում Կարեն Կարապետյանը նշեց, որ հանձնարարականը վերաբերում է նաև ՀՀ կրթության և գիտության, մշակույթի նախարարություններին:
Studio One