Իրանը ավելի քան 400 դոլարով նվազեցրել է Հայաստանից մուտք գործող ավտոմեքենաների երաշխիքային սակագինը

Իրանը ավելի քան 400 դոլարով նվազեցրել է Հայաստանից մուտք գործող ավտոմեքենաների երաշխիքային սակագինը,-հաղորդում է իրանական «ՄԵՀՐ» լրատվական գործակալությունը:

Իրանական աղբյուրի փոխանցմամբ՝ Իրան մաքսային ծառայությունը որոշում է կայացրել Հայաստանից ժամանակավորապես Իրան մուտք գործող ավտոմեքենաների համար նախկինում 500 ԱՄՆ դոլարի փոխարեն սահմանված երաշխիքային սակագինը իջեցրել է՝ հասցնելով 90 դոլարի:

Իրանի մաքսային ծառայության հաղորդմամբ՝ փաստաթղթավորումը ներկայում իրականացվում է Նորդուզ անցակետում:

Հիշեցնենք, որ 2016թ. օգոստոսի 11-ից ուժի մեջ է մտել Իրանի և Հայաստանի միջև ստորագրված վիզային ռեժիմը չեղարկելու մասին պայմանագիրը: