Արա Աբրահամյանը խոստացել է ֆինանսապես աջակցել Սեյրան Օհանյանին «Ժամանակ»

Վարչապետ Կարեն Կարապետյանի՝  Մոսկվայում հայ գործարարների  հետ  հանդիպմանը  չի մասնակցել  գործարար Արա Աբրահամյանը:  Ռուսաստանի հայերի միության նախագահը  գրեթե անթաքույց աջակցում է  Սեյրան Օհանյան-Վարդան Օսկանյան տանդեմի առաջնորդած շարժումը. գրել է «Ժամանակ»-ը: 

«Պատահական չէ, որ Ռուսաստանի  հայերի միության նախագահի  տեղակալը՝  Հայաստանի դեմոկրատական կուսակցության նախագահ  Արամ Գ. Սարգսյանը  հայտնվել է նրանց կողքին: Սեյրան Օհանյանը Մոսկվայում վերջերս հանդիպում է ունեցել Արա Աբրահամյանի հետ, ով ֆինանսապես խոստացել է աջակցել նրան»,-հավելել է թերթը: