Հանրապետության դպրոցներում դասապրոցեսն ընթանում է բնականոն հունով, ահազանգեր չկան. Արշակյան

«Հանրապետության հանրակրթական դպրոցներում դասերն իրենց բնականոն հունով ընթանում են, ջերմաստիճանի հետ կապված դպրոցներից որևէ ահազագ չենք ստացել»,- Panorama.am-ի հետ զրույցում հայտնեց Կրթության և գիտության նախարարության հանրակրթության վարչության պետ Աշոտ Արշակյանը։

Նրա խոսքով՝ երբ որ խնդիր կլինի, նախարարությունում ահազանգեր կստանան, այդ դեպքում իրավիճակային լուծումներ կառաջարկեն։

Արշակյանը հիշեցրեց, որ հունվարի 9-ին ԿԳ նախարար Լևոն Մկրտչյանի կողմից դպրոցներին շրջաբերական էր ուղարկվել, որ յուրաքանչյուր դպրոց իր պայմաններից ելնելով կարող է համապատասխան միջոցներ ձեռնարկել՝ դասապրոցեսը կարճացնել կամ ուշ սկսել. «Այն դպրոցները, որտեղ փոփոխություններ են տեղի ունեցել շրջաբերկանից հետո, շարունակում են փոփոխված ռեժիմով, երբ արդեն ջերմաստիճանային պայմանները նորմալ կլինեն, կվերադառնան նախկին ռեժիմին»։