Ամենից շատ կարդացված նյութեր
.jpg "Ապատեղեկատվություն տարածելով, Ադրբեջանը փորձում է արդարացնել իր իսկ իրականացրած սադրիչ գործողությունները. ՊԲ")
Ապատեղեկատվություն տարածելով, Ադրբեջանը փորձում է արդարացնել իր իսկ իրականացրած սադրիչ գործողությունները. ՊԲ
ԼՂՀ պաշտպանության նախարարությունը կատարյալ ապատեղեկատվություն է համարում Ադրբեջանի ՊՆ հայտարարությունն այն մասին, թե ղարաբաղյան կողմը շփման գոտում դիվերսիոն ներթափանցման փորձ է ձեռնարկել: Այս մասին հայտնում են ԼՂՀ ՊՆ մամուլի ծառայությունից:
Հայտարարության մեջ մասնավորապես նշված է.
«Այսօր Ադրբեջանի պաշտպանության նախարարությունը հանդես է եկել հերթական ցնդաբանությամբ՝ տեղեկատվություն տարածելով, թե իբր երեկ 16:55-ից սկսած ղարաբաղյան կողմը, օգտագործելով հրանոթներ և տարբեր տրամաչափի ականանետեր, արկակոծել է իրենց առաջնային դիրքերը, որպեսզի ղարաբաղա-ադրբեջանական շփման գոտու մեկ այլ ուղղությամբ ձեռնարկի դիվերսիոն ներթափանցման փորձ:
ԼՂՀ պաշտպանության նախարարությունը հայտարարում է, որ վերոնշյալը կատարյալ ապատեղեկատվություն է և միջազգային հանրությանը մոլորեցնելու խղճուկ փորձ: Ուղղակի նման ապատեղեկատվություն տարածելով, ադրբեջանական կողմը փորձում է ինչ-որ կերպ արդարացնել երեկ առաջնագծում իր իսկ իրականացրած սադրիչ գործողությունները»:
Studio One