ԵԱՏՄ դատարան. Բելառուսը ողջ ծավալով չի իրականացնում պայմանագրի դրույթները

Եվրասիական տնտեսական միության դատարանը (ԵԱՏՄ) վճռել է, որ Բելառուսը ողջ ծավալով չի իրականացնում Պայմանագրի կանոնակարգի պահանջները  2014թ.-ի մայիսի 29-ից սկսած: Որոշումը տեղադրված է  ԵԱՏՄ դատարանի պաշտոնական կայքում:

Այս տարվա փետրվարի 21-ին տեղի ունեցած ԵԱՏՄ դատարանի մեծ կոլեգիայի ժամանակ ներկայացվել և լսվել է ՌԴ-ի ներկայացրած հայցը Բելառուսի Հանրապետության կողմից Եվրասիական տնտեսական միության մասին պայմանագրին հետևելու վերաբերյալ վեճի կապակցությամբ 125 հոդվածի, Մաքսային միության Մաքսային օրենսդրության 11 և 17 հոդվածների հատկանիշներով:

«Դատարանի մեծ կոլեգիան որոշել է մասնակի բավարարել ՌԴ ներկայացրած դիմումը, որպես փաստ ընդունելով այն, որ Բելառուսի հանրապետությունը 2014թ.-ի մայիսի 29-ից ողջ ծավալով չի իրականացրել Եվրասիական տնտեսական միության պայմանագրի 1, 3, 4, 25 հոդվածների դրույթները՝ ազատ ապրանքաշրջանառության ապահովման, անցումային շրջանից հետո առանց բացառության և խոչընդոտների մաքսային միության գործառնության, Միության շրջանակներում շուկայի, սպասարկման, կապիտալի և աշխատանքային ռեսուրսների միասնական ձևավորմանը հասնելու ձգտման, միասնական մաքսային կառավարում իրականացնելու մասին, ինչպես նաև Մաքսային միության մաքսային օրենսրության 125 և Մաքսային միության անդամ երկրների մասքային մարմինների կողմից փոխադարձ վարչական օգնության համաձայագրի 11 և 17 հոդվածները»,- ասվում է դատարանի որոշման մեջ: