Հայաստան սուրճի ներմուծման ծավալներն աճել են

2016 թվականին Հայաստան է ներմուծվել 5 հազար 400 տոննա սուրճ և սուրճի փոխարինիչ: Ինչպես Panorama.am-ը տեղեկանում է ՀՀ պետական եկամուտների կոմիտեից, ներմուծված սուրճի ընդհանուր մաքսային արժեքը կազմել է մոտ 11.2 մլն ԱՄՆ դոլար:

Ըստ ՊԵԿ-ի՝ 2015 թ-ի համեմատ, Հայաստան սուրճի ներմուծման ծավալներն աճել են: 2015 թվականին հանրապետություն ներմուծվել է մոտ 5 հազար 287.11 տոննա սուրճ և սուրճի փոխարինիչ՝ 11.9 մլն ԱՄՆ դոլար ընդհանուր մաքսային արժեքով: