Մալազիայի ոստիկանությունը պարզել է, թե ինչով է թունավորվել Հյուսիսային Կորեայի առաջնորդի եղբայրը

Հյուսիսային Կորեայի առաջնորդի  խորթ եղբայրը՝ Կիմ Չեն Նամը, մահացել է VX Nerve Agent նյարդակթվածային թունավոր նյութից, որը քիմիական զենքի բաղադրիչ է: topnews.ru-ի հաղորդմամաբ, այս մասին հայտնել է Մալազիայի ոստիկանոթյունը, որը քննում է սպանության գործը:

Նախնական անալիզը ցույց է տվել, որ Կիմ Չեն Նամը թունավորվել է խիստ թունավոր քիմիական  նյութով, որը նույնականացվում է որպես Վի-Իքս  (VX nerve agent): Հաղորդվում է, որ դա հաջողվել է պարզել մահացածի աչքերից և դեմքից վերցված քսուկի շնորհիվ:

Reuters-ը նշում է, որ Վի-Իքսը   քիմիական զենք է և ՄԱԿ-ի կողմից դասվում է որպես զանգվածային ոչնչացման զենք:

Նշենք, որ Կիմ Չեն Նամը թունավորվել է  փետրվարի 13-ին Մալայզիայի օդանավակայանում: Այս գործով արդեն չորս ձերբակալված կա՝ Վիետնամի, Ինդոնեզիայի, Մալազիաի, ԿԺԴՀ քաղաքացիներ,  Հյուսիսային Կորեայի ևս չորս քաղաքացի լքել է Մալազիան դեպքի օրը  և գտնվու է Փհենյանում: Մալազիան դիմել է Ինտերպոլին՝ խնդրելով աջակցել նրանց հետախուզմանը:  

Հարավային Կորեան, որը մեղադրում է ԿԺԴՀ Կիմ Չեն Նամի սպանության կազմակերպման մեջ, դիմել է ԱՄՆ կոնգրեսին՝ առաջարկելով Հյուսիսային Կորեային ընդգրկել ահաբեկչական պետությունների ցանկում: