Իրինա Ալեգրովայի՝ Երևանում նախատեսված համերգը չի կայանալու

Ռուս  երգչուհի Իրինա Ալեգրովայի՝ մարտի 5-ին Կ. Դեմիրճյանի անվան մարզահամերգային համալիրում  նախատեսված համերգը չի կայանալու: 

Համերգի կազմակերպիչ Ֆորպոստարտ պրոդաքշն» ընկերության պաշտոնական կայքում բացատրություն է գրել, նաև՝ որ Իրինա Ալլեգրովայի` մարտի 5-ին նախատեսված և երգչուհու Ադմինիստրացիայի կողմից չեղարկված համերգի բոլոր վաճառված տոմսերը ենթակա են վերադարձման: Ընկերությունը հայտարարում է, որ տոմսերի հետ ընդունման գործընթացն ամբողջությամբ կիրականացվի մինչև ս/թ մարտի 5-ը: Տոմսերը ենթակա են վերադարձման այն տոմսարկղերում, որտեղից դրանք ձեռք են բերվել:

Նկատենք, որ «Ֆորպոստարտ պրոդաքշն» ընկերությունը «տոմսերը կվերադարձնենք» բառերը չի հոգնում կրկնելուց, և եթե  այս ընկերության «կազմակերպված» «համերգների» տոմս գնողներ դեռ կան՝ ... ինչպես ասում են՝ Ռամազոտին նայում, ծիծաղում է:

Մնացածը՝ հարակից նյութերում՝ և տարիով ձգձգվող տոմսերի վերադարձի  և դրանց մասով դատական գործի մասին, և ընդհանրապես՝  չկայացած համերգների կրկնվող անպատասխանատվության մասին: