Ամենից շատ կարդացված նյութեր
.png "Այս պահին որևէ մեկն ընտարակաշառք չի կարող տալ, դեռևս քարոզչությունն էլ չի սկսվել. Գալուստ Սահակյան")
Այս պահին որևէ մեկն ընտարակաշառք չի կարող տալ, դեռևս քարոզչությունն էլ չի սկսվել. Գալուստ Սահակյան
«Ընտրակաշառքներ չկան: Ըստ երևույթին մարդիկ, ովքեր պետք է ընտրվեն, հանդիպում եմ ժողովրդին, տարբեր բաներ են խոստանում, բայց, բնականաբար, այս պահին որևէ մեկն ընտարակաշառք չի կարող տալ, որովհետև դեռևս քարոզչությունն էլ չի սկսվել»,- Ազգային ժողովում լրագրողների հետ զրույցում ասաց ԱԺ նախագահ Գալուստ Սահակյանը:
Նրա կարծիքով, ամեն ինչ պետք է անել, որ դա, ըստ էության, չլինի:
«Այդ մասին հիմնականում շատ խոսում են մարդիկ, ովքեր արդեն համոզված են, որ քվեարկության օրը որևէ ձախողված վճիռ չի կայացվելու, այսինքն քվեարկության օրը շատ կարգին է լինելու: Եվ ընդդիմությունը գիտի, և մենք գիտենք»,- նշեց նա:
ԱԺ նախագահը նշեց, որ իրենց համար կարևոր է, որ ընտրակաշառքներ չլինեն, ընտրություններն անցնեն շատ լավ:
«Դա մեր ժողովրդին է անհրաժեշտ»,- ասաց Գ. Սահակյանը:
Խոսելով Մարտի 1-ի մասին, ԱԺ նախագահն ասաց, որ բազմաթիվ քննչական խմբեր են աշխատել, հիմնականում չի պարզվել, թե ովքեր են կատարել:
«Գործը, կարծում եմ, փակված չի: Ըստ էության և ընդդիմությունը, և իշխանությունները պետք է կարողանան համագործակցել այնպես, որպեսզի գտնեն հիմական պատճառները որոնք են»,- նշեց Գ. Սահակյանը:
Նրա խոսքով, ընդդիմությունը կարող է մեծ օգուտներ տալ, քանի որ դեպքերի ժամանակ հիմնականում ընդդիմություն է այնտեղ եղել:
Studio One